नशिराबाद उड्डाणपुलाजवळ दुचाकीच्या भीषण अपघातात यावल तालुक्यातील तरुण ठार
जळगाव, मंडे टु मंडे न्युज नेटवर्क l नशिराबाद येथील उड्डाणपुलाजवळ एका दुचाकीचा भीषण अपघात झाला. या अपघातात यावल तालुक्यातील निलेश गणेश सावंदे हा तरुण ठार झाला असून दुसरा प्रदीप पंडित हा तरुण गंभीर जखमी झाला आहे. हि घटना मंगळवारी मध्यरात्री १ वाजेच्या दरम्यान घडली आहे. या घटनेची नशिराबाद पोलीस स्टेशनला नोंद करण्याचे आली आहे.
निलेश गणेश सावंदे, वय ३१, रा. चिंचोली ता. यावल ह. मु. तुरखेडा ता. जळगाव, हा तरुण आपला मित्र प्रदीप भगवान पंडित सह आपल्या मूळ गावी गेला होता तो मित्र सह सोमवार दी. २५ रोजी चिंचोली येथून तुरखेडा येथे मित्र सह निघाला असता परतत असताना मंगळवार रात्री त्याच्या दुचाकीचा नशिराबाद पुला जवळ भीषण अपघात झाला, लागलीचबनागरिकांनी त्यांना शासकीय वैद्यकीय महाविद्यालयात उपचारासाठी दाखल केले असता निलेश सावंदे याला वैद्यकीय पथकाने तपासून मृत घोषित केले. तर प्रदीप पंडित वय २९ वर्ष, याच्यावर खाजगी रुग्णालयात उपचार सुरु आहे. घटनेप्रकरणी नशिराबाद पोलीस स्टेशनला घटनेची नोंद करण्याचे काम सुरु होते.
निलेश हा तूरखेडा येथे वीटभट्टीवर मजुरी करून परिवाराचा उदरनिर्वाह करीत होता. त्याच्या पश्चात आई, वडील, भाऊ, पत्नी, २ मुले असा परिवार आहे.
