एकमेकांकडे पाहण्यावरून भुसावळ मध्ये चाकू हल्ला
भुसावळ (प्रतिनिधी)। येथील खडका रोडवर एकमेकांकडे पाहण्याच्या कारणावरून तीन जणांवर चाकू हल्ला झाल्याची घटना शहरातील खडका रोडवरील मुस्लीम कॉलनीमध्ये शुक्रवारी रात्री घडली. या प्रकरणी तिन जणांना पोलिसांनी चौकशीकामी ताब्यात घेतले आहे
अधिक असे की, खडका रोडवरील मुस्लीम कॉलनी भागात शुक्रवारी रात्री आठ वाजेच्या सुमारास खुन्नस ने बघतो , असे म्हणत संशयितांनी चाकू हल्ला केला. यात जुम्मन खान सिराजउल्ला खान (४७), इन्सानअली मोहम्मद मजीद (२७) आणि अब्दुल हक सिराजउल्ला खान (३२) हे जखमी झाले. त्यांच्या खांद्यावर व हातावर चाकूने वार केल्याच्या जखमा आहेत. बाजारपेठ पोलिसांनी संबंधीताना उपचारार्थ दवाखान्यात पाठविले असून बाजारपेठ पोलिस ठाण्याचे निरीक्षक दिलीप भागवत यांच्या मार्गदर्शना खाली पोलिस कर्मचारी रमण सुरळकर, प्रशांत परदेशी, ईश्वर भालेराव, विकास सातदिवे, उमाकांत पाटील, सचिन चौधरी, चेतन ढाकणे या पोलिसांनी तीन संशयीतांना चौकशीकामी ताब्यात घेतले आहे.
