एपीआय देविदास इंगोले यांनी घेतला सावदा पोलीस स्टेशनचा पदभार
सावदा ता.रावेर(प्रतिनिधी ) नाशिक येथील भद्रकाली पोलिसस्टेशन हुन बदली झालेले एपीआय देविदास दादाराव इंगोले यांची सावदा पोलिस स्टेशनला बदली झाल्याने त्यांनी सावदा पोलिस स्टेशनचा नुकताच पदभार स्वीकारला.
पोलिस स्टेशनचे एपीआय राहुल वाघ यांची नाशिक ग्रामीण येथे बदली झाल्याने ही जागा रिक्त होती, पदभार स्वीकारल्यावर एपीआय देविदास इंगोले यांच्याशी चर्चा केली असता ,सावदा पोलिस स्टेशनची धुरा सांभाळताना कायदा व सुव्यवस्था अबाधित राखत जनतेत समन्वय ठेवण्याची महत्वपूर्ण भूमिका निभावणार असून सर्व सामान्य नागरिकांन मध्ये पोलीसदला विषयी आदर निर्माण करून अप्रिय घटना रोखण्यासाठी पोलीस दलाचे कसोशीने प्रयत्न करून गुन्हेगारांना कायद्याची भीती वाटेल अशा पद्धतीने कामकाज करणार असल्याचे एपीआय देविदास इंगोले यांनी सांगितले .
