खिर्डी येथील तरुणाचा अज्ञात वाहनांच्या धडकेने अपघाती मृत्यु.
खिर्डी ता.रावेर(प्रतिनिधी)। खिर्डी बु येथिल रहिवासी जीवन भास्कर पाटील वय ४१ याचा अज्ञान वाहनाने धडक दिल्याने अपघातात जागीच मृत्यू झाला.
खिर्डी येथील रहिवासी मधुकर सहकारी साखर कारखाना फैजपुर चे कर्मचारी जीवन भास्कर पाटील हे आपल्या शेतातून परत येतांना यांचे चिंच फाटा ते अजंदा दरम्यान संध्याकाळी.६ वाजेच्या सुमारास रमजू पटेल यांच्या शेताजवळ त्यांना एका अज्ञात वाहनाने धडक दिल्याने त्यांचा जागीच मृत्यू झाला. त्यांचे शवविच्छेदन रावेर ग्रामीण रुग्णालय येथे करण्यात आले. श्री संदीप अरुण पाटील यांच्या फिर्यादी वरुन निंभोरा पोलीस स्टेशन मध्ये अज्ञात वाहन चालकाविरुद्ध गुर नं 44/20 भा दं वि कलम 304अ,279,337,338,427,मो वा का.184,134 ब या प्रमाणे गुन्हा दाखल करण्यात आले असून स पोनि.स्वप्नील उनवणे यांचे मार्ग दर्शना खाली पुढील तपास पोहेका बापू पाटील,ज्ञानेश्वर चौधरी,पोना सलीम तडवी करीत आहे. त्यांचा पश्चात एक मुलगी पत्नी आई वडील भाऊ असा परीवार असुन ते भास्कर सीताराम पाटील यांचा मुलगा तर प्रवीण पाटील यांचे मोठे भाऊ होत. खिर्डी परिसरात सर्वत्र दुःखा चा डोंगर कोसळला असून सर्वत्र हळहळ व्यक्त केली जात आहे.
