जनतेने जनतेने साठी पुकारलेल्या जनता कर्फ्यूला जनतेचा प्रतिसाद. सावदा १००% बंद !
सावदा (प्रतिनिधी)। देशासह महाराष्ट्रात कोरोना सारख्या महा भयंकर आजाराने थैमान घातले असून जळगाव जिल्ह्यातच नव्हे तर सावदा शहरातही कोरोना बाधितांची संख्या दिवसेंदिवस वाढत आहे. या पार्शभूमीवर कोरोनाची साखळी तोडण्यासाठी जिल्ह्यात ठीक-ठिकाणी जनता कर्फ्यूचे आवाहन करण्यात आले आहे. सावद्यात सुद्धा तीन दिवसीय जनता कर्फ्यूचे आवाहन करण्यात आले आहे. या तीन दिवसाचा आज पहिला दिवस असुन (काही अपवाद वगळता) आजचा पहिला दिवस जनतेने जनते साठी पुकारलेल्या जनता कर्फ्यूला प्रतिसाद देत १००% बंद पाळण्यात आला. शहरातील प्रमुख बाजारपेठेतील संभाजी चौक, इंदिरागाधी चौक, दुर्गा माता चौक, गांधी चौक, चांदणीचौंक, महावीर चौक, बसस्थानक परिसरातील संपुर्ण एरीया, अशा प्रमुख चौकांसह संपुर्ण सावदा शहरातील गल्ली बोळातील सर्व दुकाने (मेडिकल सोडून) बंद होती.
मंडे टू मंडे तर्फे आवाहन –
कोरोनाचा लढा देण्यासाठी नागरिकांनी स्वतःच्या, परिवाराच्या व परिसराच्या सुरक्षेसाठी आपल्याला जगुन कोरोना विरोधात लढा द्यायचा आहे म्हणुन घाबरून न जाता सर्व नागरिकांनी शासनाने वेळोवेळी दिलेल्या सूचनाचे पालन करावे ही आता स्वतः ची जबाबदारी आहे तसेच फिजिकल डिस्टन्स चे पालन, मास्क वापरणे, सॅनिटाझरचा वापर करणे व अत्यावश्यक कामा शिवाय घरा बाहेर निघु नये अशा शासनाने दिलेल्या सर्व आदेशांचे पालन करावे.
