ट्रक-आयशर च्या भीषण अपघातात ३ जण ठार, १ गंभीर जखमी !
मंडे टू मंडे वृत्तसंकलन।
नाशिक (प्रतिनिधी) :- मुंबई-आग्रा महामार्गावर वाडीवर्‍हे येथे बुधवारी सकाळी 6 वाजेच्या सुमारास आयशर आणि ट्रक यांच्यात झालेल्या भीषण अपघातात तीन जण ठार, तर एकजण गंभीर जखमी झाला आहे. त्याच्यावर जिल्हा रुग्णालयात उपचार सुरू आहेत.
याबाबत अधिक माहिती अशी, की बुधवार सकाळी 6 वाजेच्या सुमारास एमएच 15 डीके 2355 या क्रमांकाचा ट्रक नाशिकहून मुंबईकडे जात असताना डिव्हायडर तोडून मुंबईहून नाशिककडे येणाऱ्या एमएच 04 जेयू 3986 या क्रमांकाच्या आयशरवर धडकला. हा अपघात इतका भीषण होता की त्यात तिघे जागीच ठार झाले. मृतांची ओळख अद्याप पटलेली नाही. आयशरमधील गंभीर जखमी झालेल्या अस्लम खान (वय 35) यांच्यावर जिल्हा शासकीय रुग्णालयात उपचार सुरू आहेत. वाडीवर्‍हे पोलीस ठाण्यात अपघाताची नोंद करण्यात आली आहे. पुढील तपास सहाय्यक पोलीस निरीक्षक नितीन पाटील करीत आहेत. हा अपघात ट्रकचा टायर फुटल्याने झाल्याचा प्राथमिक अंदाज वर्तविण्यात येत आहे. या अपघातानंतर वाहतूक काही काळ खोळंबली होती. क्रेनच्या सहाय्याने दोन्ही गाड्या बाजूला करण्यात आल्यानंतर वाहतूक सुरळीत झाली. ट्रक मधील तांदूळ रस्त्यावर पडले होते.
