ट्रॅक्टर उलटल्याने महिला जागीच ठार; १५ जखमी
मंडे टू मंडे वृत्तसंकलन।
जळगाव (प्रतिनिधी)। तालुक्यात भादली येथे शेतमजूर महिलांना घरी घेऊन जाणारे एक ट्रॅक्टर गावाकडे जात असताना चालकाचे नियंत्रण सुटल्याने ट्रॅक्टर उलटले. या अपघातात एक महिला जागीच ठार झाली असून १५ महिला जखमी झाल्या आहेत.
शेतमजूर महिलांना घेऊन भादली येथील पाटाच्या रस्त्याच्या बाजूने एक ट्रॅक्टर गावाकडे येत असतांना चालकाचे नियंत्रण सुटल्याने ट्रॅक्टर उलटले. यात एक महिला ठार झाली आहे. तर १५ महिला जखमी झाल्या आहेत. या अपघाताचे वृत्त मिळताच परिसरातील ग्रामस्थांनी घटनास्थळी धाव घेतली असून जखमींना जळगावला पाठविण्यात आले आहे. यावेळी जखमींपैकी काही महिलांची प्रकृती गंभीर असल्याने मृतांची संख्या वाढण्याची शक्यता असल्याचे समजते आहे.
