भुसावळ शहरात आपसी वादातून गोळीबार
मंडे टू मंडे वृत्तसंकलन।
भुसावळ (प्रतिनिधी): शहरात शनिवारी रात्री दहा वाजेच्या सुमारास भुसावळ शहरातील लोणारी मंगल कार्यालयाजवळ मद्यपान करण्यास बसलेल्या तिन मित्रांमधील वाद विकोपाला गेल्यामुळे गोळीबार करण्यात आला असून या घटनेने भुसावळ शहर पुन्हा हादरले आहे..
याबाबत अधिक असे की, शहरातील लोणारी मंगल कार्यालयाजवळ रात्री दहाच्या सुमारास आपसी वादातून गोळीबार झाल्याने खळबळ उडाली आहे. काही जण येथे बसले असतांना यातूनच एकाने गोळ्या झाडल्या या घटनेची माहिती मिळताच भुसावळ शहर पोलिस स्टेशनचे पो.नि. बाबासाहेब ठोंबे, बाजारपेठ पोलिस स्टेशनचे दिलीप भागवत आदींनी आपल्या कर्मचारी पथकासह धाव घेतली. घटनास्थळी बंदुकीची गोळी व काडतुस मिळून आढळून आले आहे. काही संशयीतांना चौकशीकामी ताब्यात घेण्यात आले आहे. गोळीबार करणा-या सनी या संशयीताच्या पालकांना देखील चौकशीकामी ताब्यात घेतल्याचे समजते. या प्रकरणी तिघे आरोपी फरार झाले असून पोलिस त्याचा तपास करीत आहे.
