मटका व जुगार अड्ड्यावर पोलिसांची कारवाई दोन जणं अटकेत !
जळगाव (विशेष प्रतिनिधी)। शहरात मटका व जुगार खेळला जात असल्याच्या माहितीनुसार पिंप्राळ्यातील महापालीकेच्या सोमाणी मार्केटमध्ये कल्याण मटकावर रामानंदनगर पोलिसांनी छापा टाकून रोखरक्कम व साहित्य जप्त करून दोन सट्टा बुकींना अटक केली असून गुन्हानोंदविण्यात आला आहे.
पोलीस सूत्रांकडून मिळालेल्या माहितीनुसार, रामानंदनगर पोलिसांना पिंप्राळा येथील सोमाणी मार्केट परिसरात सट्टा सुरु असल्याच्या गुप्त माहितीवरुन छापा टाकला असता दुपारी दिड वाजेचच्या सुमारास दोन बुकी १.जनराज बन्सी भोई (वय-४४, रा.गांधी चौक) २.संभाजी श्रीपत सैंदाणे (वय-७५, रा.मयुर कॉलनी) कल्याण मटका प्रकाराच्या सट्ट्याची बुकींग घेतांना आढळून आले. हजार ३२० रुपये रोख सट्टा जुगाराचे साहित्य पेालिसांनी जप्त केले असुन संशयीतांच्या विरुद्ध मुंबई जुगार ॲक्ट अंतर्गत गुन्हे दाखल होवुन अटक करण्यात आली आहे. सदरील कारवाई पोलिस निरीक्षक अनिल बडगुजर यांच्या पथकातील सहाय्यक फौजदार गोपाल चौधरी, विजय खैरे, भुषण पाटील, होमगार्ड तुषार नेवे यांच्या पथकाने केली.
