मोठे वाघोदा येथे ,काय सुरू काय बंद,संभ्रमावस्था ! सर्व व्यवसाय सुरू…..
मंडे टू मंडे वृत्तसंकलन ।
वाघोदा ता.रावेर (प्रतिनिधी)। येथून जवळच असलेल्या बऱ्हाणपूर-अंकलेश्वर महामार्गावरील मोठे वाघोदा येथे नियम धाब्यावर बसवून बिनधास्त पणे सर्व दुकाने सुरू असून यावर काहीही उपाय योजना केली जात नाही, काय सुरू काय बंद या बाबत संभ्रम असल्याने वाघोद्यात सर्व व्यवसाय बिनधास्त पणे सुरू आहेत.
आज कोरोना संक्रमणाच्या पश्वभूमीवर लॉकडाऊन असून सर्व बंद असल्यावरही गावात बसस्टँण्ड परीसरातील भाजीपाला विक्रीची दुकाने थाटण्यात आली.विशेष म्हणजे वाघोद्यात मास्कचा वापर ही येथे कोणी करतांना दिसत नाही.गावात काहीही नियम व उपाययोजना नसल्याने व दिवसेंदिवस कोरोना रुग्ण संख्या झपाट्याने वाढ होत असतांना मात्र वाघोद्यात बिनबोभाट पणे सुरु असलेल्या व्यवसायावर लगाम लावणे, अंकुश ठेवणे महत्वाचे आहे बसस्थानक परिसरात सकाळपासूनच हॉटेली बिनधास्त पने खुल्या असून कचोरी,आळूवडा,पोहे लोक नेहमी प्रमाणे गर्दी करून खाण्यात मग्न आहेत,प्रशासन याकडे दुर्लक्ष करत तर आहेच. कारवाई मात्र शुन्य आहे आहे.असे चित्र समोर दिसत आहे. पोलीस प्रशासन आल्यावर दुकाने बंद व गेल्यावर सुरू हा प्रकार येथे सुरू आहे.
