वडगाव जवळ भरधाव कारची बैलगाडीला धडक, बैलगाडी चालक जागीच ठार
खिर्डी ता.रावेर,मंडे टू मंडे न्युज प्रतिनिधी। रावेर तालुक्यातील वडगाव येथील शेतकरी प्रवीण काशिनाथ पाटील,उर्फ गफा,वय ४० वर्ष, हे आज सकाळी साडे नऊ वाजेच्या सुमारास बऱ्हाणपूर -अंकलेश्वर महामार्गावरून बैलगाडीने शेतात जात असतांना रावेर कडून भरधाव वेगाने येणाऱ्या MP.04 CP.6380 या क्रमांकाच्या होंडा (ह्युंदाई ) एक्सेंट कंपनीच्या पांढऱ्या रंगाच्या गाडीने बैलगाडी ला मागुन जोरदार धडक दिल्याने शेतकरी प्रवीण काशिनाथ पाटील हे रस्त्यावर पडल्याने डोक्याला (मेंदूला) जबर मार लागल्याने जागीच ठार झाले.
तसेच सदर बैलगाडी कारच्या धडकेने दामू पाटील यांच्या शेतात फेकली गेल्याने एका बैलाचे शिंग देखील तुटले आहे.सदरची कार ही मध्यप्रदेश ची असून पेशन्ट ला घेऊन जळगाव येथे जात होती. अपघात घडले बाबत वडगाव येथील पोलिस पाटील संजय वाघोदे यांनी निंभोरा पोलिसांना भ्रमणध्वनी द्वारे माहिती दिली .घटना स्थळी निंभोरा पोलीस स्टे चे एपीआय गणेश धुमाळ यांनीआपल्या ताफ्यासह दाखल झाले असता सदरील घटनास्थळाचा पंचनामा करून मृतदेह रावेर ग्रामीण रुग्णालयात शवविच्छेदन करणेसाठी पाठविण्यात आला आहे.या बाबत निंभोरा पोलीस स्टेशनला वडगाव येथील मयताचे नातेवाईक धनराज पाटील यांनी फिर्याद दिल्याप्रमाणे कारचालका विरोधात भादंवि कलम ३०४ प्रमाणे गुन्हा दाखल करण्यात आला असून पुढील तपास पिएसआय काशिनाथ कोळंबे हे करीत आहे.
