एकनाथ खडसेच्या गाडीचा टायर फुटल्याने अमळनेर जळगाव दरम्यान अपघात,खडसे सुखरूप
जळगाव (प्रतिनिधी)। राष्ट्रवादीचे नेते माजी मंत्री एकनाथराव खडसे अमळनेर येथील कार्यक्रम आटोपून जळगावकडे परतत असतांना यांच्या खाजगी वाहनाचे टायर फुटून अपघात झाल्याची घटना रविवारी सायंकाळी ५:३० वाजेच्या सुमारास धरणगाव- जळगाव महामार्गावर घडली. सुदैवाने कुणालाही काहीही दुखापत झालेली नसल्याची माहिती मिळाली आहे.
नुकतेच राष्ट्रवादी कांग्रेस मध्ये प्रवेश केलेले माजीमंत्री एकनाथराव खडसे हे अमळनेर येथुन कार्यक्रम आटोपून जळगावकडे येत असताना त्याच्या गाडीचा अपघात झाला. खडसेंच्या गाडीचे टायर फुटले, मात्र वाहन चालक राजू काळे यांनी प्रसंगावधान दाखवत गाडीवर नियंत्रण मिळवले. वाहनात खडसे सोबत त्यांचे स्वीय सहाय्यकही होते. खडसेंसह गाडीतील सर्व जण सुखरुप असून कोणालाही इजा झालेली नाही.
