कोरोना योद्धा अरुण धनवडे यांचे दहीगाव मध्ये स्वागत !
दहीगाव (प्रतिनिधी)। यावल पोलीस स्टेशनचे श्री. अरुण धनवाडे हे पंधरा दिवसा पासून रेल्वे हॉस्पिटलमध्ये कोरोनाशी झुंज देतं होते. त्यांच्या सोबत त्यांची दोघ लहान मुले सुद्धा कोरोनाशी झुंज देत होते.
ते कोरोनाशी युद्ध जिंकून घरी परतल्या नंतर लोकांचे धनवडे यांच्या विषयी असलेले अपार प्रेम हे आज दहिगाव गावांमध्ये पाहायला मिळाले. त्यांचे दहीगावात आगमन होताच फटाक्यांची लळ लाऊन व फुलांचे वर्षाव करून गावातील मेन चौकात मोठे स्वागत करण्यात आले. गावातील पोलीस पाटील श्री. अण्णासो संतोष पाटील, पोलीस कर्मचारी, कोमल पाटील, मयूर पाटील, प्रकाश कोळी, भैय्या पाटील, कल्पेश जैन,समाधान पाटील, यांनी पुष्पगुच्छ देउन स्वागत केलं. तसेच गावांतील लोकानी सुद्धा धनवडे यांचे स्वागत केले .या वेळी अरुण धनवडे यांनी कोरोनावर लोकांना जन जागृती करण्याचे आवाहन केले.
