गावठी दारूच्या हातभट्टीवर धाड, २ आरोपींना अटक !
रावेर (प्रतिनिधी)। येथील खिरवड गावालगतच्या नेहता रोडवरील नाल्याच्या काठी असलेल्या अवैध गावठी दारूच्या हातभट्टीवर पोलिसांनी धाड टाकून २ आरोपींना अटक केली आहे.
याबाबत अधिक असे की, पोलीस कॉन्स्टेबल तुषार मोरे यांच्या फिर्यादीनुसार कुतरू कोंगे ( 68) व शेखर कोंगे ( 30, दोघे रा खिरवड) या आरोपींविरोधात गुन्हा र न. 69/2020 दारू बंदी कलम 65 फ ब क प्रमाणे गुन्हा नोंद करण्यात आला आहे. त्याच्या कडुन 8000/- रुपायांचे गुळमोह मिश्रीत कच्चे रसायन 13 कॅन व 600ली रसायन किमत अंदाजे 400 रुपये , 30 लिटर पक्के गुलमोह मिश्रित रसायन , 400 रुपये किमतीची 10 लिटर गावठी तयार दारू 10 लिटर कॅनने भरलेली, असा एकूण 8800 रुपयांचा माल जप्त करण्यात आला आहे. सदर कारवाई पोलीस निरीक्षक रामदास वाकोडे यांचे मार्गदर्शनाखाली सपोनि शितलकुमार नाईक, पोहवा. नारेकर, पो कॉ सुरेश मेढे, तुषार मोरे, मनोज म्हस्के यांच्या पथकाने केली.
