जळगाव जिल्ह्यात कोरोना बाधितांचा आकडा नऊ हजार पार, आज ३३४ नवीन कोरोना बाधित !
जळगाव (प्रतिनिधी)। आज सायंकाळी कोरोना संशयित व्यक्तींचे तपासणी अहवाल प्राप्त झाले असुन आलेल्या अहवालात जिल्ह्यात ३३४ कोरोना बाधीत रूग्ण आढळून आले आहेत. जिल्ह्यात दिवसेंदिवस कोरोनाचा प्रादुर्भाव वाढतच असल्याचे दिसुन येत आहे.
जिल्हा प्रशासनाच्या वतीने जारी करण्यात आलेल्या प्रेस नोट नुसार जिल्ह्यात आज तब्बल ३३४ रूग्ण बाधित आढळून आले आहेत. यात सर्वाधीक ९० रूग्ण हे जळगाव शहरातील आहेत. याच्या खालोखाल आज एरंडोल ९, जामनेर ३२, चाळीसगाव ४०, रावेर ७, भुसावळ १८, आणि मुक्ताईनगर ७, जळगाव ग्रामीण १४, अमळनेर १९, चोपडा ७, पाचोरा ४४, धरणगाव ३२, पारोळा २, बोदवळ ०, भळगाव १४, यावल १ ,इतर जिल्ह्यातील २ अशे रुग्ण बाधित आढळून आले आहेत.
जिल्ह्यात एकूण कोरोना बाधीतांचा आकडा ९१८३ इतका झालेला आहे. यातील ५८३४ रूग्ण बरे झाले आहेत. आज १० मृत्यू झाले असून आजवरील मृतांची संख्या ४५० इतकी तर उपचार घेत असलेले २८९९ असल्याचे जिल्हा माहिती कार्यालयाने जाहीर केले आहे.
मंडे टू मंडे तर्फे आवाहन –
कोरोनाला लढा देण्यासाठी नागरिकांनी स्वतःच्या, परिवाराच्या व परिसराच्या सुरक्षेसाठी आपल्याला जगुन कोरोना विरोधात लढा द्यायचा आहे म्हणुन घाबरून न जाता सर्व नागरिकांनी शासनाने वेळोवेळी दिलेल्या सूचनाचे पालन करावे ही आता स्वतः ची जबाबदारी आहे तसेच फिजिकल डिस्टन्स चे पालन, मास्क वापरणं, सॅनिटाझरचा वापर करणे व अत्यावश्यक कामा शिवाय घरा बाहेर निघु नये अशा शासनाने दिलेल्या सर्व आदेशांचे पालन करावे.
