ट्रॅकच्या धडकेत युवक जागीच ठार
मंडे टू मंडे वृत्तसंकलन।
मुक्ताईनगर (प्रतिनिधी)। तालुक्यातील बोदवड ते नांदगाव रस्तावर ट्रॅक ने एका युवकाला धडक दिल्याने त्याचा जागीच मृत्यू झाल्याची धक्कादायक घटना घडली असून बोदवड पोलीस स्टेशनला गुन्हा नोंद करण्यात आला आहे.
याबाबत अधिक असे की, सोमवारी दुपारी एक वाजेच्या सुमारास बोदवड ते नांदगाव रस्तावरील हनुमान मंदिर जवळ ट्रॅक ने एका ४०वर्षीय युवकास जोरदार धडक दिल्याने त्याचा जागीच मृत्यू झाला असून याप्रकरणी बोदवड पोलीस स्टेशनला ट्रॅक (क्र. एम पी ०७/एच पी ९१६९) चालक हरेंद्रसिंग लाखानसिंग रा. महापुर जिल्हा तालुका भिंड मध्यप्रदेश याच्या विरुद्ध तानाजी मुकुंदा पाटील यांच्या फिर्यादीवरून गुन्हा नोंदविण्यात आल्याने ट्रॅक चालकाला पोलिसांनी ताब्यात घेतले आहे. पुढील तपास पोलीस नाईक गजानन काळे करीत आहे.
