दहावीचा CBSC बोर्डाचा निकाल उद्या जाहीर होणार !
नवी दिल्ली: केंद्रीय माध्यमिक शिक्षण मंडळ अर्थात सीबीएसई बोर्डाचा इयत्ता बारावीचा निकाल सोमवारी जाहीर झाला. त्यानंतर आता सीबीएसई बोर्डाचा दहावीचा निकाल उद्या १५ तारखेला (बुधवारी) जाहीर होणार आहे. स्वत: केंद्रीय मनुष्यबळ विकास मंत्री डॉ. रमेश पोखरियाल यांनी ट्विट करून ही माहिती दिली. सीबीएसई दहावीचा निकाल बोर्डाचे अधिकृत संकेतस्थळ cbseresults.nic.in वर जाहीर केला जाणार आहे.
CBSE to announce class 10 result on July 15
— Press Trust of India (@PTI_News) July 14, 2020
सीबीएसई बोर्डाचा इयत्ता बारावीचा निकाल सोमवारी दुपारी १ वाजता अचानक जाहीर झाला. बोर्डाने निकाल जाहीर करण्यापूर्वी कोणतीही पूर्वसूचना दिली नव्हती. त्यामुळे सीबीएसई बोर्डाचा दहावीचा निकाल कधी लागणार याबाबत विद्यार्थ्यांमध्ये उत्सुकता होती, शिवाय निकालाच्या तारखेविषयी उलटसुलट चर्चा होऊ लागली होती. परिणामी पोखरियाल यांनी टि्वट करत या चर्चांना पूर्णविराम दिला.
My dear Children, Parents, and Teachers, the results of class X CBSE board examinations will be announced tomorrow. I wish all the students best of luck.👍#StayCalm #StaySafe@cbseindia29
— Dr. Ramesh Pokhriyal Nishank (@DrRPNishank) July 14, 2020
