निंभोऱ्यात आज आणखी ३ रुग्णांना कोरोनाची बाधा !
निंभोरा (प्रतिनिधी)। येथे कोरोनाचा संसर्ग वाढतच असल्याचे दिसून येत असून निंभोरा सेंटरला आज प्राप्त झालेल्या अहवालांमध्ये गावातील पुन्हा ३ रुग्णांना कोरोनाची बाधा झाली असल्याचे निष्पन्न झाले आहे
आज आढळलेले बाधित रुग्ण एकाच परिवारातील असुन बस स्टँड परिसरातील रहिवासी आहे. गावांतील बाधितांचा आलेख दिवसेंदिवस वाढतच असल्याने परिसरात चिंतेच्या वातावरणात भर पडली असुन काल रात्री उशिरा गावातील ९ व्यक्तींचे अहवाल बाधित आढळून आले होते. गावांतील बाधितांची संख्या १६ झाली आहे त्यातील १ रुग्ण घरी परतला असून १५ उपचार घेत आहे. सर्व बाधित रुग्ण तीन कुटुंबातील आहेत. यामध्ये कोळी वाडा, इंदिरा नगरातील हनुमान नगर व बस स्टँड परिसरातील व्यक्तींचा समावेश आहे. बाधितांची दिवसागणित वाढती संख्या चिंतेत भर घालणारी असून नागरिकांनी खबरदारी घेणे गरजेचे आहे. सदरील वृत्तास वैद्यकीय अधिकाऱ्यांकडून दुजोरा मिळाला आहे.
मंडे टू मंडे कडून आवाहन –
कोरोनाचा लढा देण्यासाठी नागरिकांनी स्वतःच्या, परिवाराच्या व परिसराच्या सुरक्षेसाठी आपल्याला जगुन कोरोना विरोधात लढा द्यायचा आहे म्हणुन घाबरून न जाता सर्व नागरिकांनी शासनाने वेळोवेळी दिलेल्या सूचनाचे पालन करावे ही आता स्वतः ची जबाबदारी आहे तसेच फिजिकल डिस्टन्स चे पालन, मास वापरणं, सॅनिटाझरचा वापर करणे व अत्यावश्यक कामा शिवाय घरा बाहेर निघु नये अशा शासनाने दिलेल्या सर्व आदेशांचे पालन करावे.
