निंभोऱ्यात कोरोनाचे थैमान सुरूच आणखी ५ रुग्णांना कोरोनाची बाधा; दिवसभरात १३ बाधित !
निंभोरा (प्रतिनिधी)। येथे कोरोना संसर्गाचा आलेख दिवसेंदिवस वाढतच असल्याचे चित्र असून निंभोरा सेंटरला आज प्राप्त झालेल्या अहवालांमध्ये गावातील पुन्हा ५ रुग्णांना कोरोनाची बाधा झाली असल्याचे निष्पन्न झाले आहे
आज आढळलेले बाधित रुग्णांमध्ये पाचही महिलांचा समावेश असून, त्यामध्ये एक २ वर्षीय व ९ वर्षीय लहाग्या मुलींचा तर तीन महिला २५ वर्षीय, २७ वर्षीय, ५५ वर्षीय महिला रुग्णांचे तपासणी अहवाल बाधित आढळून आले आहे. गावांतील बाधितांचा आलेख दिवसेंदिवस वाढतच असून परिसरात चिंतेच्या वातावरणात मोठी भर पडली आहे आज सकाळीच गावांतील ८ रुग्ण बाधित आढळून आले होते, गावांतील कोरोना बाधित वाढती संख्या लक्षात घेता कोरोनाने गावात थैमान घातले असल्याचे दिसून येते, गावांतील बाधितांची संख्या ३० झाली असून बाधितांची दिवसागणित वाढती संख्या चिंतेत भर घालणारी असून नागरिकांनी खबरदारी घेणे गरजेचे आहे. सदरील वृत्तास स्थानिक वैद्यकीय अधिकाऱ्यांकडून दुजोरा मिळाला आहे.
मंडे टू मंडे कडुन आवाहन –
कोरोनाचा लढा देण्यासाठी नागरिकांनी स्वतःच्या, परिवाराच्या व परिसराच्या सुरक्षेसाठी आपल्याला जगुन कोरोना विरोधात लढा द्यायचा आहे म्हणुन घाबरून न जाता सर्व नागरिकांनी शासनाने वेळोवेळी दिलेल्या सूचनाचे पालन करावे ही आता स्वतः ची जबाबदारी आहे तसेच फिजिकल डिस्टन्स चे पालन, मास्क वापरणे, सॅनिटाझरचा वापर करणे व अत्यावश्यक कामा शिवाय घरा बाहेर निघु नये अशा शासनाने दिलेल्या सर्व आदेशांचे पालन करावे.
