पाण्यात उडी घेत खिरोदा येथील युवकाची आत्महत्या
रावेर प्रतिनिधी । रावेर तालुक्यातील खिरोदा येथील युवकाने पाण्यात उडी घेऊन आत्महत्या केल्याची घटना घडली असून घटनेने गावात एकच खळबळ उडाली आहे.
याबाबत अधिक माहिती अशी की, हर्षल भागवत पाटील (वय-२५) राहणार खिरोदा हा शेतात जात असल्याचे सांगुन आज सकाळी घरातून गेला होता. परंतु उशीर होऊन ही घरी परत न आल्याने हर्षलचा शोध घेतला असता गाव नदीवर जमा असलेल्या पाण्यात त्याने आत्महत्या केल्याचे निदर्शनास आले आहे. त्याचा जानेवारीत विवाह होणार होता. सदरील घटनेने गावांत एकच खळबळ उडाली आहे. याप्रकरणी रावेर पोलिस स्टेशनला अकास्मात मृत्यूची नोंद करण्याचे काम येत असून. पुढील तपास पोलीस करीत आहेत.
