फैजपुर येथिल पुन्हा एकाच घरातील ४ जणांना कोरोनाची बाधा !
फैजपूर (प्रतिनिधी)। शहरात काल रात्री उशिरा आलेल्या अहवाला नुसार पुन्हा चार कोरोना बाधित रूग्ण आढळून आले असल्याचे निष्पन्न झाले असून त्यामध्ये एक ४१ वर्षीय पुरुष तर ३ वर्षीय मुलगी व दोन महिला एक ३३ वर्षीय , एक ५५ वर्षीय यांचा समावेश असून सदरील सर्व रुग्ण सिंधी कॉलनी परिसरातील रहिवासी आहे. एकाच परिवारातील ४ रुग्ण कोरोना बाधित आढळून आल्याचे निष्पन्न झाल्याचे स्थानिक नगरपालिका प्रशासनाकडून सांगण्यात आले आहे.
सदरील घटनेने परिसरात चिंतेचे वातावरण असून रुग्णांच्या संपर्कातील व्यक्तीच्या शोध कार्याने वेग घेतला असुन त्यातील काही व्यक्तीना कॉरंटाईन करण्यात आले आहे. सदरील रुग्ण राहत असलेल्या परिसरास प्रशासनाकडून निर्जंतुकीकरण करण्यात येत असुन प्रतिबंधित केला गेला आहे तर खबरदारीचा उपाययोजना केल्या जात आहे.
मंडे टू मंडे तर्फे आवाहन –
कोरोनाचा लढा देण्यासाठी नागरिकांनी स्वतःच्या, परिवाराच्या व परिसराच्या सुरक्षेसाठी आपल्याला जगुन कोरोना विरोधात लढा द्यायचा आहे म्हणुन घाबरून न जाता सर्व नागरिकांनी शासनाने वेळोवेळी दिलेल्या सूचनाचे पालन करावे ही आता स्वतः ची जबाबदारी आहे तसेच फिजिकल डिस्टन्स चे पालन, मास्क वापरणे, सॅनिटाझरचा वापर करणे व अत्यावश्यक कामा शिवाय घरा बाहेर निघु नये अशा शासनाने दिलेल्या सर्व आदेशांचे पालन करावे.
