भारताची पाकिस्तानविरुद्ध पुन्हा मोठी एअर स्ट्राईक: Pok मधले तळ उद्ध्वस्त !
नवी दिल्ली (वृत्तसंस्था) : भारताने पुन्हा एकदा ताबारेषेपलीकडे थेट मारा करत पाकव्याप्त काश्मीरमधले लाँचिंग पॅड उद्ध्वस्त केले. थेट लक्ष्य साधून मारा करत केलेल्या या क्षेपणास्त्र हल्ल्यात पाकिस्तानचे 8 सैनिक मारले गेले आहेत. भारतीय सैन्याने दहशतवाद्यांविरोधात सर्वात मोठी कारवाई केली आहे. भारतीय सैन्याने पाकिस्तानमधील दहशतवाद्यांचे अनेक बंकर्स उद्ध्वस्त केले आहे. हे भारतासाठी मोठं यश मानलं जात आहे. 2 दिवसांपूर्वीच दिल्ली पोलिसांच्या विशेष पथकाने लष्कर-ए-तोयबाच्या 2 दहशतवाद्यांना पडकलं होतं. त्यांच्या चौकशीत समोर आलेल्या माहितीच्या आधारे सैन्याने ही धडाकेबाज कारवाई केली दरम्यान याआधी देखील भारतीय सैन्याने केलेल्या धडक कारवाईत 20 दहशतवाद्यांना कंठस्नान घातलं होतं. त्यावेळी देखील दहशतवाद्यांच्या छावण्या उद्ध्वस्त करण्यात आल्या होत्या. त्यानंतर आता देखील भारतीय सैन्याने ही मोठी कारवाई केली. थंडीच्या दिवसात पाकिस्तानमधून अनेक दहशतवादी भारतात घुसखोरी करतात. त्यामुळेच भारताने या घुसखोरीला सडेतोड उत्तर देत घुसखोरी आधीच दहशतवाद्यांचे अड्डे उद्ध्वस्त केले.
