वरणगाव येथील हरवलेल्या व्यक्तीचा संशयास्पद मृतदेह बोरघाटात
मंडे टू मंडे वृत्तसंकलन।
सावदा (प्रतिनिधी) वरणगाव येथील हरविलेल्या व्यक्तीचा मृतदेह पालघाटातील बोरघाटात संशयास्पद आढळून आल्याने घटनास्थळी सावदा पोलीसांनी धाव घेतली .
या बाबत अधिक माहिती अशी की ,चांगो रामदास झोपे (वय-६९) रा. झोपेवाडा वरणगाव ता. भुसावळ हे आपल्या मुलगा राकेश झोपे व सुनसह राहतात. मुलगा व सुन हे बाहेरगावी असताना चांगो झोपे यांच्याशी मुलगा राकेश यांचे शेवटचे बोलणे २९ जानेवारी रोजी दुपारी १ वाजता झाले होते. मुलगा राकेश गावाहून घरी परत आल्याने घराला कुलूप लावले दिसून आले. वडील चांगो झोपे यांची नातेवाईकांकडे शोधाशोध सुरू केली. ते मिळून आले नाही म्हणून वरणगाव पोलीस ठाण्यात हरविल्याची नोंद करण्यात आली होती. तसेच राकेश झोपे यांनी त्याचे वडीलाची माहिती देणाऱ्यास रु,५१००० /- चे बक्षीस ठेवण्यात आले होते. आजच सकाळी खिरोदा येथून जवळ असलेल्या पालघाटातील बोरघाटात हरविलेले चांगो झोपे यांचा मृतदेह संशयास्पद आढळून आल्याने परिसरात खळबळ उडाली असून घटनेची माहिती मिळताच सावदा पोलीस ठाण्याचे एपीआय इंगोले व पोलीस कर्मचाऱ्यानी घटनास्थळी धाव घेतली .दरम्यान घटनास्थळी वरिष्ठ अधिकाऱ्यांनी सुदधा भेट दिली.
