हॉटेल मॅनेजमेंटच्या विद्यार्थ्यांना डांबून ठेवत मारहाण
मंडे टू मंडे वृत्तसंकलन।
नाशिक (प्रतिनिधी): नाशिकच्या एका नामांकित हॉटेलमध्ये इंटर्नशिप करत असलेल्या हॉटेल मॅनेजमेंटच्या विद्यार्थ्यांना डांबून ठेवत मारहाण केल्याचा धक्कादायक प्रकार उघडकीस आला आहे.
इंदिरानगर परिसरातील एका नामांकित हॉटेलमध्ये सहा तरुण आणि पाच तरुणी आल्या होत्या. हॉटेल प्रशासनाने दम भरत इथून तुम्हाला प्रशिक्षण सोडून घरी जाता येणार नाही, असे सांगत मारहाण करत डांबून ठेवल्याचा धक्कादायक घटना घडली आहे.
दरम्यान, याप्रकरणी या युवक-युवतींची सुटका सामाजिक कार्यकर्ते बाळा दराडे यांनी आणि इंदिरानगर पोलिसांनी धाव घेत डांबून ठेवलेल्या उत्तर प्रदेशस्थित युवक – युवतींना सुरक्षित बाहेर काढले. त्यांना पोलीस वाहनाने नाशिकरोड रेल्वेस्थानकापर्यंत सोडण्यात आले आहे.
