१५० किलो गोमांस जप्त, तिघांना अटक
मंडे टु मंडे न्युज नेटवर्क l गाईंची कत्तल करून अवैध १५० किलो गोमांस जप्त करत पोलिसांनी तीन जणांना अटक केली आहे. जळगाव शहरातील मास्टर कॉलनी परिसरात ही धडक कारवाई करण्यात आली.
माहीतीच्या आधारे कारवाई करत पोलिसांनी जळगाव शहरातील मास्टर कॉलनी भागात छापा टाकला. उमर मस्जिदजवळील एका घरात तसेच एका रिक्षामध्ये अवैधरीत्या गौमांस विक्री केली जात असल्याची माहिती मिळाली होती. छाप्यात रिक्षा क्रमांक MH-19-46438 या रिक्षात युसूफ खान समशेर खान, वय ५०, रिक्षाचालक, रा. तांबापुरा, जळगाव. हा १०० किलो गौमांस घेऊन जात असताना आढळून आला. त्याने गौमांस शेख शकील शेख चाँद. वय ३८, राहणार मास्टर कॉलनी, जळगाव. याच्याकडून खरेदी केल्याचे त्याने सांगितले.
यानंतर पोलिसांनी शेख शकील शेख चाँदच्या घराची झडती घेतली असता, त्याचा साथीदार आसीफ खान लतीफ खान, वय ३० वर्ष, इस्लामपुरा, शनिपेठ, जळगाव. याच्या मदतीने तो घरातच गोवंश कत्तल करत असल्याचे आढळले. पोलिसांनी त्याच्या घरातून ५० किलो गौमांस, तसेच कत्तलीसाठी वापरण्यात येणाऱ्या कुऱ्हाड, सुरा यांसारख्या धारदार हत्यारांसह आरोपींना ताब्यात घेतले.
अशा ( १) युसूफ खान समशेर खान, वय ५०, रिक्षाचालक, रा. तांबापुरा, जळगाव. (२) शेख शकील शेख चाँद. वय ३८, राहणार मास्टर कॉलनी, जळगाव. (३) आसीफ खान लतीफ खान, वय ३० वर्ष, इस्लामपुरा, शनिपेठ, जळगाव. या तिन्ही आरोपींना पोलिसांनी अटक केली असून यांचे विरोधात एम आय डी सी पोलिस स्टेशनला गुन्हा दाखल करण्यात आला आहे. ही कारवाई पोलिस उपनिरीक्षक चंद्रकांत धनके, पोलीस नाईक किशोर पाटील, पोशि गणेश ठाकरे, छगन तायडे, किरण पाटील आणि योगेश घुगे यांचे पथकाने केली.
