१९ किलो गांजा जप्त, ४ दिवसांच्या परिश्रमानंतर गांजा तस्कराला अटक
एरंडोल, मंडे टु मंडे न्युज नेटवर्क l एरंडोल तालुक्यातील वनकोठे गावाजवळ पेट्रोलींग करत असतांना कासोदा पोलीसांनी दुचाकीवरून गांजाची वाहतूक करणाऱ्या अजय रवींद्र पवार (वय २७, रा. सोनबर्डी, ता. एरंडोल) या आरोपीला दुचाकीसह अटक केली. त्याच्या कडून १९ किलो गांजा २ लाख ८० हजार रूपये किंमतीचा जप्त करण्यात आला असून कासोदा पोलीस स्टेशनला गुन्हा दाखल करण्यात आला आहे.
कासोदा पोलीस स्टेशन हद्दीत गांजा विक्री होत असल्याची माहिती पोलिसाना मिळाल्याने, पोउनि निलेश राजपूत आणि त्यांच्या पथकाने गेल्या पाच दिवसांपासून परिसरात पाळत ठेवली होती. चार दिवसांच्या पाळत नंतर २५ फेब्रुवारी २०२५ रोजी पेट्रोलिंग दरम्यान वनकोठे गावाजवळ त्यांना एक व्यक्ती एरंडोलकडून कासोद्याकडे जाणाऱ्या मुख्य रस्त्यावर मोटारसायकलवर प्लास्टिकच्या गोणीत गांजा घेऊन जात असल्याची माहिती मिळाली असता
एरंडोलहून कासोदा दिशेने येणाऱ्या मुख्य रस्त्यावर एका संशयित व्यक्तीची हालचाल संशयास्पद वाटल्याने पोलिसांनी
मोटारसायकलचा पाठलाग करत त्याला थांबवून त्याच्या मोटारसायकल वरील गोणीची तपासणी केली असता, त्यात खाकी रंगाच्या पॅकिंग टेपने पॅक केलेले चौकोनी आकाराचे पुडे मिळाले. ते पुडे उघडून पाहिले असता त्यात १९ किलो गांजा आढळून आला. दुचाकी आणि गांजा असा एकूण २ लाख ८० हजार रुपयांचा मुद्देमाल जप्त करण्यात येऊन अजय रविंद्र पवार. वय २७, रा. सोनबर्डी, ता. एरंडोल. याला रंगेहात अटक करून त्याच्या जवळील माल ताब्यात घेतला. अजय पवार याला न्यायालयात हजर केले असता ३ दिवसांची पोलीस कोठडी सुनावण्यात आली आहे.
सदरची कारवाई पोलीस अधीक्षक महेश्वर रेड्डी, अपर पोलीस अधीक्षक कविता नेरकर-पवार, उपविभागीय पोलीस अधिकारी राजेशसिंह चंदेल यांच्या मार्गदर्शनाखाली सपोनि निलेश राजपूत, पोउनि दत्तू खुळे, पोहेकॉ नंदलाल परदेशी, पोना अकील मुजावर, किरण गाडीलोहार, नरेंद्र गजरे, पोकॉ समाधान तोंडे, लहु हटकर यांनी केली.
