चोरीच्या १९ मोटरसायकली जप्त, एक आरोपी ताब्यात
जळगाव, मंडे टू मंडे न्युज नेटवर्क l एका आरोपीकडून चोरीच्या १९ मोटरसायकली जप्त करण्यात आल्या असून त्यास अटक करण्यात आली आहे. संजय किशोर चौधरी. रा. तरवाडे तालुका पारोळा. हल्ली मु. सातपूर, नाशिक असे आरोपीचे नाव आहे.
किशोर संजय चौधरी (रा. तरवाडे ता. पारोळा ह.मु. सातपुर कॉलनी, नाशिक) हा नाशिक शहरातुन व इतर परीसरातुन दुचाकी चोरुन पारोळा तालुक्यातील आडगाव, तरवाडे, शिवरे व परीसरात कमी किमतीत विकतो. तो पुन्हा चोरीची मोटार सायकल विक्री करण्यास पारोळा पो.स्टे. हददीत येणार आहे, अशी माहिती पारोळा पो.स्टे. च्या गुन्हे शोध पथकास मिळाली होती.
मिळालेल्या माहितीवरून पोलीस निरीक्षक सुनिल पवार यांनी पारोळा पो.स्टे. च्या गुन्हे शोध पथकाचे पोलीस उप निरीक्षक राजु विठठल जाधव, पोहेका प्रविण पाटील, पोना संदिप सातपुते, पोकों अभिजित पाटील यांना तात्काळ किशोर संजय चौधरी याची माहिती घेवुन पुढील कायदेशीर कारवाई करण्याचे आदेश दिले.
गेल्या ३ दिवसा पासुन किशोर संजय चौधरी याचा पारोळा शहर व हद्दीत शोध घेत मागावर असलेल्या पथकाला किशोर संजय चौधरी हा दि. १२ रोजी पारोळा शहरातील कजगाव रोडवरील आकाश मॉल परिसरात मिळुन आला. त्यास ताब्यात घेवुन त्यास विचारपुस केली असता आरोपी किशोर संजय चौधरी याने नाशिक शहर हद्दीतून व परिसरातुन मोटार सायकली चोरी केले असल्याचे कबुली दिली. त्याचेकडुन चोरी केलेल्या १९ मोटार सायकली हस्तगत करुन जप्त करण्यात आल्या आहेत. तसेच नाशिक शहर व परिसरातील विविध पोलीस स्टेशन कडील मोटार सायकल चोरीचे गुन्हे उघडकीस आलेले असून आणखी त्याच्या कडून काही गुन्हे उघडकीस येतात का याचा पोलिस शोध घेत आहेत.
