अनैतिक संबंधाच्या संशयातून खुनाचा कट रचणारे ५ ताब्यात !
मंडे टू मंडे वृत्तसंकलन।
मंडे टू मंडे न्युज : काही जण अनैतिक संबंधाच्या संशयातून एका व्यक्तीच्या खुनाचा कट रचत असल्याची गोपनीय माहिती अंबड पोलिसांना मिळाली होती त्यानुसार पोलिसांनी सापळा रचून नाशिकमधील आयटीआय पुलानजीक एका तडीपारासह चार जणांना अटक करत खुनाचा कट उधळून लावला आहे.
याबाबत मिळालेल्या माहितीनुसार, नाशिक शहरातील आयटीआय पुलाजवळ काही संशयित एका इसमाच्या खुनाचा कट रचत असल्याची गोपनीय माहिती अंबड पोलीस ठाण्याचे गुन्हे शाखेचे सहाय्यक पोलिस निरीक्षक गणेश शिंदे यांना मिळाली होती. त्यानुसार सापळा रचत घटनास्थळी दाखल झाले मात्र, संशयितांना पोलीस आले असल्याचे समजताच त्यांनी त्या ठिकाणाहून पळ काढण्याचा प्रयत्न केला. मात्र पोलीस पथकाने संशयितांचा पाठलाग करत भद्रकाली पोलिसांनी कारवाई करत नाशिक जिल्ह्याच्या हद्दीतून तडीपार असलेला निखिल उर्फ निकु अनिल बेग (23, रा. द्वारका) यासोबत रेकॉर्डवरील विशाल संजय अडागळे (२४, इंदिरा गांधी वसाहत, लेखानगर), साहिल उर्फ सनी शरद गायकवाड (२३, रा. पंचवटी) यांसह ज्ञानेश्वर उर्फ निलेश कारभारी लोहकरे (25, रा. राणाप्रताप चौक,सिडको) रोशन संजय सूर्यवंशी (19, राणाप्रताप चौक,सिडको) यांना पोलिसांनी अटक केली.
संशयितांकडे पोलिसांनी कसून चौकशी केली असता यांच्यातील एका जणाच्या पत्नीसोबत एका व्यक्तीचे अनैतिक संबंध असल्याच्या संशयावरून त्याला मारण्याकरिता त्यांनी कट रचल्याची पोलिसांनी संशयितांकडून गावठी कट्ट्यासह दोन जिवंत काडतुस व तिन कोयते हस्तगत केले. याप्रकरणी पुढील तपास वपोनी कुमार चौधरी यांच्या मार्गदर्शनाखाली सहाय्यक पोलीस निरीक्षक गणेश शिंदे करीत आहेत.
