मुक्ताईनगर जवळ लाखो रुपयांच्या गुटख्याचे भरलेला कंटेनर पकडला
मुक्ताईनगर, मंडे टू मंडे न्युज प्रतिनिधी l राज्यात प्रतिबंधित असलेला गुटख्याने खचून भरलेला बर्‍हाणपूर वरून येत असलेल्या कंटेनर मुक्ताईनगर तालुक्यातील बर्‍हाणपूर चौफुली येथे रात्री पकडण्यात आला.यात लाखो रुपयांचा गुटखा भरलेला होता.
रात्री सुमारे दीड वाजेच्या सुमारास बर्‍हाणपूर चौफुलीजवळ एचआर ५५ एक्यू ३८७३ क्रमांकाच्या कंटेनरला
नाशिक येथील आयजी यांच्या अंतर्गत असलेल्या पथकाने अडवून तपासणी केली असता यात पूर्णपणे महाराष्ट्रात प्रतिबंधीत असलेला गुटखा आढळून आला. यामुळे पथकाने कंटेनरसह यातील गुटख्याचा साठा जप्त केला आहे. हा साठा नेमका किती रूपयांचा आहे या बाबत अजुन चौकशी सुरू असून मात्र हा गुटखा लाखो रुपयांच्या घरात असल्याची माहिती सूत्रांनी दिली आहे.
याप्रकरणी मुक्ताईनगर पोलीस पोलिस स्टेशनला गुन्हा दाखल करण्यात आला असून कंटेनर जप्त करण्यात आला आहे. गुटख्याचे लाखो रुपयांचे कंटेनर पकडल्याने गुटखा माफियांमध्ये मोठी खळबळ उडाली आहे.
