फोटो व्हायरल करण्याची धमकी देत अल्पवयीन तरुणीवर लैंगिक अत्याचार
जळगाव, मंडे टू मंडे न्युज नेटवर्क l फोटो व्हायरल करण्याची धमकी देत एका १६ वर्षीय अल्पवयीन तरुणीवर कारण दत्तू सोनवणे वय २० वर्ष या तरुणाने मेहरूण तलाव परिसरातील झुडपात अत्याचार केला.
शनिपेठ पोलिस स्टेशन च्या हद्दीतील एक १६ वर्षीय मुलगी इयत्ता दहावीत असल्या पासून करण सोनवणे या तरुणाने तिचा पाठलाग करीत तिच्याशी ओळख निर्माण केली. हा प्रकार ऑगस्ट २०२३ पासून सुरू होता. पुढे १० सप्टेंबर रोजी या तरुणीला ती शिक्षण घेत असलेल्या उच्च माध्यमिक विद्यालयापासून दुचाकीवर मेहरुण तलाव परिसरातील झाडाझुडपात नेऊन तिला त्याने तिच्या सोबतचे फोटो व्हायरल करून बदनामी करण्याची धमकी देत अत्याचार केला. या प्रकरणी पिडीत तरुणीने २६ सप्टेंबर रोजी शनिपेठ पोलिस ठाण्यात फिर्याद दिली. तरुणीने दिलेल्या फिर्यादनुसार करण दत्तू सोनवणे. वय २० वर्ष. , रा. कांचननगर, जळगाव. याच्याविरुद्ध गुन्हा दाखल करण्यात येऊन त्याला अटक करण्यात आली आहे.. पुढील तपास सपोनि प्रिया दातीर करीत आहेत.
