ब्रेकिंग : ठाकरे गटाच्या उमेदवारास हृदयविकाराचा तीव्र झटका
जळगाव, मंडे टु मंडे न्युज नेटवर्क l उबाठा ठाकरे गटाचे जळगाव जिल्ह्यातील चोपडा विधानसभा मतदारसंघाचे उमेदवार प्रभाकर गोटू सोनवणे यांना सकाळी हृदयविकाराचा तीव्र झटका आला. चोपडा मतदारसंघात प्रचाराला जाताना त्रास जाणवू लागल्याने त्यांना शहरातील खाजगी रुग्णालयात दाखल करण्यात आले आहे. दरम्यान त्यांच्यावर शस्त्रक्रिया करण्यात आली असून प्रकृती स्थिर आहे.
राज्यात विधानसभा निवडणुकीसाठी उमेदवारांकडून मतदारसंघात प्रचाराला सुरवात करण्यात आली आहे. त्यानुसार जळगाव जिल्ह्यातील चोपडा मतदारसंघातील ठाकरे गटाचे उमेदवार प्रभाकर सोनवणे हे आज ३१ ऑक्टोम्बर रोजी सकाळी मतदारसंघात प्रचारासाठी जळगाव येथील घरापासून मार्गस्थ झाले. यावेळी त्यांचा मोठा मुलगा दिनेश सोनवणे हे देखील सोबत होते. दरम्यान जळगाव तालुक्यातील ममुराबाद गावाच्या जवळ गेले असताना त्यांना त्रास जाणवू लागला. याबाबत त्यांनी मुलाला सांगितले, असता डॉक्टरांकडे तपासणीसाठी गेले असता त्यांना ह्दयविकाराचा झटका आल्याची माहिती समोर आली.
