रोझोदा येथील युवकांची गळफास घेऊन आत्महत्या !
मंडे टू मंडे वृत्तसंकलंन।
सावदा ता. रावेर, मंडे टू मंडे वृत्तसेवा। शहराच्या जवळील असलेल्या रोझोदा गावातील २१ वर्षीय तरूणाने राहत्या घरात गळफास घेवून आत्महत्या केल्याचे मध्यरात्री उघडकीला आले असून याप्रकरणी सावदा पोलीस ठाण्यात अकस्मात मृत्यूची नोंद करण्यात आली आहे.
अधिक माहिती अशी, रोझोदा येथील रहिवासी प्रशांत वासूदेव मेढे (वय-२१) हा तरूण रात्री कुटुंबियासह जेवण करून ११ वाजता झोपायला गेला. दरम्यान ११ ते मध्यरात्री १ वाजेच्या दरम्याने तरूणाने काहीही कारण नसतांना राहत्या घरात गळफास घेतल्याचे आढळून आल्याने प्रशांतला खाली उतरवून उपचारासाठी हॉस्पिटलमध्ये दाखल केले. उपचारादरम्यान त्याचा मृत्यू झाला यासंदर्भात वडील वासुदेव धनजी मेढे यांच्या फिर्यादीवरून सावदा पोलीस स्थानकात अकस्मात मृत्यूची नोंद करण्यात आली आहे.
