यावल तालुक्यातील तरुणाची जळगाव मध्ये गळफास घेऊन आत्महत्या
जळगाव, मंडे टु मंडे न्युज नेटवर्क | यावल तालुक्यातील तरुण जळगाव शहरातील ट्रान्सपोर्टनगर येथे खोली घेऊन राहत असून त्या तरुणाने छताला गळफास घेऊन आत्महत्या केल्याची धक्कादायक घटना गुरुवार १७ एप्रिल रोजी संध्याकाळी ५ वाजता उघडकीस आली.
यावल तालुक्यातील आमोदा येथील मयूर उर्फ जयंत संजय पाटील (वय २८ रा. आमोदा ता. यावल) हा तरुण एमआयडीसी मधील गीतांजली केमिकल कंपनीत सुपरवायझर म्हणून कामाला आहे.
मयूर उर्फ जयंत संजय पाटील हा जळगाव शहरातील ट्रान्सपोर्ट नगर येथे राहत असलेल्या रूम वरून गुरुवारी १७ एप्रिल रोजी दुपारी अडीच वाजे पर्यंत तो त्यांच्या मित्रांशी फोनवर बोलत होता.. त्यानंतर मात्र मित्रांशी त्यांचा संपर्क आला नाही. एका मित्राला शंका आली म्हणून त्याने मयूर पाटील यांच्या खोलीवर जाऊन त्याला भेटण्याचा प्रयत्न केला असता तो गळफास घेतलेल्या अवस्थेत दिसून आला. मयूर पाटील याला शासकीय वैद्यकीय महाविद्यालय व रुग्णालयात दाखल केले असता वैद्यकीय अधिकाऱ्यांनी तपासून मयत घोषित केले.
आत्महत्या करण्याचे कारण समोर आलेले नाही. मयूर पाटील यांच्या पश्चात आई-वडील, बहिण असा परिवार असून एमआयडीसी पोलीस स्टेशनला अकस्मात मृत्यूची नोंद करण्यात आली आहे.
