यावल तालुक्यातील तरुणाचा जळगाव-भुसावळ महामार्गावर भीषण अपघातात मृत्यु
यावल, मंडे टु मंडे न्युज नेटवर्क l वाढदिवसाच्या दिवशीच जळगाव- भुसावळ महामार्गावरील रस्त्यावर यावल तालुक्यातील कोरपावली गावातील तरुणाचा मोटर सायकलला अज्ञात वाहनाने धडक दिल्यामुळे भीषण अपघात झाला, या अपघातात एका तरुणाचा दुदैवी मृत्यु झाला असून एक गंभीर जखमी झाल्याची घटना घडली.
या बाबत मिळालेल्या माहिती नुसार, राहुल संतोष सोनवणे. वय २१ वर्ष. व दिपक उर्फ देवेन्द्र दत्तु तायडे. वय २३ वर्ष. (दोघे राहणार कोरपावली तालुका यावल) हे दोन्ही मित्र शाईंन कंपनीच्या मोटरसायकल क्र. एमएच १९ ईएल ४०९७ या दुचाकी वाहनाने दिनांक ११ नोव्हेंबर रोजी रात्री १o ते १२ वाजेच्या दरम्यान भुसावळकडून जळगावकडे जात असतांना महामार्गावरील गोदावरी हॉस्पीटल जवळ असलेल्या एका ढाब्या जवळ एका अज्ञात वाहनाने धडक दिल्याने झालेल्या भीषण अपघातात राहुल संतोष सोनवणे यांचा जागीच मृत्यू झाला तर दिपक उर्फ देवेन्द्र दत्तु तायडे हा गंभीर जखमी झाला. दीपक तायडे याला उपचारासाठी गोदावरी रुग्णालयात दाखल करण्यात आले.
