जळगाव जिल्ह्यातील तिघांवर स्थानबध्दतेची कारवाई, फैजपूर व यावल पोलिस स्टेशन हद्दीतील दोघांचा समावेश
जळगाव, मंडे टू मंडे न्युज नेटवर्क l येत्या सण उत्सवाच्या पाश्र्वभूमीवर जळगाव जिल्ह्यातील कायदा सुव्यवस्था
आबाधीत राहावी या दृष्टीने जिल्हाधिकारी आयुष प्रसाद यांनी आज दिनांक २७ ऑगस्ट मंगळवार रोजी सकाळी काढलेल्या आदेशात जळगाव जिल्ह्यातील रेकॉर्डवरील तीन गुन्हेगारांवर एमपीडीए कायद्यांतर्गत स्थानबध्दतेची कारवाई करण्यात आल्याची माहिती दिली. यात जळगाव सह फैजपूर व यावल पोलिस स्टेशन हद्दीतील दोघांचा समावेश आहे.
येत्या काही दिवसात पोळा, गणेशोत्सव, नवरात्रोत्सव असे सण आहे. हे सण शांततेने पार पडावे व जळगाव जिल्ह्यात कायम शांतता राहावी या साठी जळगाव एमआयडीसी, यावल आणि फैजपूर पोलीस ठाण्याच्या हद्दीतील या तिन्ही गुन्हेगारांवर वेगवेगळ्या कारागृहात स्थानबध्द करण्यात आले आहे.
त्यात जळगाव शहरातील आकाश उर्फ खंड्या सुकलाल ठाकूर वय-२४, रा. तुकाराम वाडी, जळगाव यांच्यावर एमआयडीसी पोलीस ठाण्यात वेगवेगळे स्वरूपाचे ७ गुन्हे दाखल आहेत.
यावल पोलीस स्टेशन हद्दीतील आकाश मधुकर बिऱ्हाडे वय-२२, रा. सिद्धार्थ नगर, यावल यांच्यावर १० वेगवेगळे गंभीर गुन्हे दाखल आहेत.
तर फैजपूर पोलीस स्टेशन हद्दीतील प्रवीण उर्फ डॉन गोपाळ तायडे वय-२८, रा. पाडळसा ता. यावल यांच्यावर तब्बल १३ गंभीर गुन्हे दाखल आहेत.
यापुर्वी पोलीसांकडून या तिघांना नोटीसा बजावण्यात आलेल्या होत्या. परंतू तिघांमध्ये कोणत्याची प्रकारची सुधारणा होत नव्हती. त्यामुळे संबंधित पोलीस ठाण्याचे पोलीस निरीक्षकांनी त्यांच्यावर अंकूश लावण्यासाठी एमपीडीए कायद्यांर्गत कारवाई करत स्थानबध्द करण्यात यावे असा प्रस्ताव तयार करून जिल्हा पोलीस अधिक्षक डॉ. महेश्वर रेड्डी यांच्याकडे सादर केला. त्यानुसार तिघांच्या प्रस्तावाचे अवलोकन करून मंजूरीसाठी जिल्हाधिकारी यांच्याकडे पाठविण्यात आला.
जिल्हा पोलीस अधिक्षक डॉ. महेश्वर रेड्डी यांनी पाठवलेल्या प्रस्तावानुसार जिल्हाधिकारी आयुष प्रसाद यांनी २७ ऑगस्ट रोजी सकाळी ११ वाजता प्रस्तावाला मंजूरी दिली. त्यानुसार रेकार्डवरील गुन्हेगार आकाश उर्फ खंड्या सुकलाल ठाकूर याला नागपूर कारागृहात तर आकाश बिऱ्हाडे आणि प्रवीण उर्फ डॉन तायडे या दोघांना मुंबई मध्यवर्ती कारागृहात स्थानबध्द करण्याचे आदेश जिल्हाधिकारी यांनी दिले आहे. अशी माहिती जिल्हा पोलीस अधिक्षक डॉ. महेश्वर रेड्डी यांनी आज दुपारी ३ वाजता प्रसिद्धी पत्रकाद्वारे दिली.
बातम्यांच्या अपडेट मिळवण्यासाठी आम्हाला फॉलो करा
