सावदा येथे प्रौढाची गळफास घेऊन आत्महत्या
सावदा ता.रावेर, मंडे टू मंडे न्यूज वृत्तसेवा : शहरातील दुर्गामाता मंदिर परिसरातील तडवी वाड्यात राहणारा विवाहित तरुणांचा घरात दोरीने गळफास घेवून आत्महत्या केल्याची घटना आज दुपारी समोर आली आहे. याबाबत सावदा पोलीस ठाण्यात नोंद घेण्याचे काम सुरू होते.
शहरातील तडवी वाडा येथिल रहिवासी शशीकांत मधुकर लोखंडे यांच्या पत्नी शुक्रवार २४ जून रोजी दुपारी १२.३५ वाजेच्या सुमारास रेशन घेण्यासाठी गावातील दुकानात गेल्या होत्या त्यावेळी शशीकांत हा घरी एकटाच असल्याने त्यांनी दोरीने राहत्या घरात गळफास घेवून आत्महत्या केली.
सदरील धक्कादायक घटना पत्नी रेशन घेवून घरी आल्यावर उघडकीला आली आहे. आत्महत्या करण्याचे नेमके कारण अद्याप कळू शकले नाही. शेजारच्या लोकांच्या मदतीने त्यास रावेर ग्रामीण रूग्णालयात दाखल केले असता वैद्यकीय अधिकारी यांनी मयत घोषीत केले. सावदा पोलीसात याप्रकरणी अकस्मात मृत्यूची नोंद घेण्याचे काम सुरू आहे.
