पंतप्रधान नरेंद्र मोदी यांच्या आई हीराबेन मोदी यांचे निधन
अहदाबाद, मंडे टू मंडे न्युज वृत्तसेवा। भारताचे पंतप्रधान नरेंद्र मोदी यांच्या आई हीराबेन मोदी यांचे वयाच्या १०० व्या वर्षी निधन झाले. मध्यरात्री ३.३० मिनिटांनी त्यांनी अखेरचा श्वास घेतला. पंतप्रधान नरेंद्र मोदी यांनी ट्विट करून यासंदर्भात माहिती दिली. त्यांच्या पश्चात पंतप्रधान नरेंद्र मोदी, सोमभाई, अमरुतभाई, प्रल्हादभाई, पंकजभाई ही मुलं आणि मुलगी वासंतीबेन यांच्यासह सुना, नातवंडे, पतरुंड असा मोठा परिवार आहे.
पंतप्रधान नरेंद्र मोदी यांच्या आईला तीन दिवसांपूर्वी तब्येत खालावल्याने गुजरातमधील अहमदाबाद येथीलयू एन मेहता रुग्णालयात दाखल करण्यात आले होते. मात्र आज त्यांची प्राणज्योत मालवली. आईच्या अंत्यसंस्कारासाठी पंतप्रधान नरेंद्र मोदी स्वत: गांधीनगर येथे येणार आहेत. मोदी अंत्यसंस्काराला येणार असल्याने गांधी नगरातील सुरक्षा वाढवण्यात आली आहे.
