विविध मुद्द्यांवर गाजली ऐनपुर ग्रा.प.ची ग्रामसभा; तलाठी यांच्या विषयी नागरिकांच्या तक्रारी
मंडे टू मंडे वृत्तसंकलन।
ऐनपुर. ता. रावेर,मंडे टू मंडे वृत्तसेवा। तालुक्यातील ऐनपुर येथे आज दिनांक २६ ऑगस्ट रोजी गामपंचायत कडुन ग्रामसभा आयोजित करण्यात आली होती, त्या अनुशंगाने नागरिकांच्या विविध मुदयानवर सदर ग्रामसभा गाजली.
सविस्तर वृत्त असे की,रावेर तालुक्यातील ऐनपुर येथील ग्रामपंचायत कार्यालय अंतर्गत ग्रामसभाचे आयोजन दिनांक २६ आगस्ट रोजी करण्यात आले होते, ग्रामसभेमधे सर्व प्रथम पंधाराव्या वित्त आयोगाअंतर्गत आलेल्या निधीचे ग्राम विकासासाठी वार्ड नुसार व गावातील कामानुसार तयार केलेल्या आराखडा वाचन ग्रामविकास अधिकारी प्रताप बोदड़े यांनी वाचन केले,त्यानंतर ग्रामस्थानकडुन ग्रामसभा निमित्त आलेल्या अर्ज़ाबाबत सरपंच,सर्व सदस्य तसेच ग्रामविकास अधिकारी यांनी विचार विनिमय करून सदर अर्ज़ाबाबत ठराव करण्याचे सर्वानुमते ठरले, काही किरकोळ वाद वगळता ग्राम सभा विविध मुद्द्यांवर जसे की राष्ट्रीय पेय जल,दारू सुरु करण्यासाठी परवानगी,विकास कामे,किरकोळ दुरुस्ती,गटारी यासारख्या अनेक विषयांवर ग्रामसभा गाजली.
ऐनपुर येथील तलाठी यांच्या विषयी नागरिकांच्या अनेक तोंडी तक्रारी ग्रामसभेमधे ग्रामस्थानकडुन करण्यात आल्या. सदर ग्रामसभेसाठी सरपंच अमोल महाजन, सर्व सदस्य , ग्रामविकास अधिकारी प्रताप बोदड़े,तलाठी विजय शिरसाठ सर्व ग्रामपंचायत कर्मचारी तसेच कोरोनाचे नियम पळून १०० ते १५० ग्रामस्थ उपस्थित होते.
