ऐनपूर प्राथमिक विद्यामंदिरात बिनविरोध निवड झालेल्या संचालकांचा सत्कार
मंडे टू मंडे वृत्तसंकलन।
ऐनपुर ता रावेर.मंडे टू मंडे वृत्तसेवा। तालुक्यातील ऐनपुर येथे सरदार वल्लभभाई पटेल प्राथमिक विद्यामंदिरात नवनिर्वाचित सर्व संचालक मंडळाचा सत्कार करण्यात आला.
सविस्तर वृत्त असे की,तालुक्यातील ऐनपुर येथे सरदार वल्लभभाई पटेल प्राथमिक विद्यामंदिरात नवनिर्वाचित सर्व संचालक मंडळाचा सत्कार करण्यात आला, त्यावेळेस सर्वप्रथम शाळेत स्थापना केलेल्या श्री गणरायाचे पूजन,सरस्वती पूजन व शाळेचे प्रेरणास्थान असलेले सरदार पटेल यांच्या प्रतिमेस पुष्पहार अर्पण करून कार्यक्रमास सुरुवात करण्यात आली.ऐनपूर परिसर शिक्षण प्रसारक मंडळाची निवडणूक बिनविरोध झाल्याबद्दल अध्यक्ष भागवत पाटील,उपाध्यक्ष रामदास महाजन,चेअरमन श्रीराम पाटील,सचिव संजय पाटील व संचालक हरी पाटील,सुदेश पाटील,विजय पाटील,विकास महाजन,पी.एम.पाटील, सतीश पाटील,कैलास पाटील यांचा तसेच याप्रसंगी माध्यमिक शाळेचे नवीन मुख्याध्यापक आर.जे.पाटील,उपमुख्याध्याक एस.डी.चौधरी व पर्यवेक्षक पी.आर.महाजन यांचा सत्कार प्राथमिक शाळेचे व्यवस्थापक आर.टी.महाजन,मुख्याध्यापक शुभम महाजन व अक्षय पाटील सर यांनी केला.
तसेच या कार्यक्रमाचे औचित्य साधून कृषी विभाग जळगांव जिल्हा परिषद तर्फे कमलेश दत्तात्रय महाजन यांना तालुक्याचा उत्कृष्ट शेतकरी पुरस्कार मिळाल्याबद्दल प्राथमिक,माध्यमिक व संस्थेच्या वतीने त्यांचा सत्कार करण्यात आला व सर्वांनी त्यांचे कौतुक केले.कार्यक्रम अध्यक्ष भागवत पाटील यांनी मनोगत व्यक्त केले.मुख्याध्यापक शुभम महाजन यांनी प्रास्ताविक केले.आरती पाटील मॅडम यांनी सूत्रसंचालन केले.निकिता चौधरी मॅडम यांनी आभार मानले.व हा कार्यक्रम यशस्वीपणे पार पाडण्यासाठी शाळेतील सर्व शिक्षक,शिक्षकेतर बंधू-भगिनी यांनी परिश्रम घेतले.
