खळबळजनक ; जिल्हा परिषद शाळेच्या आवारात आढळले ४ नवजात अर्भक
अकोला,मंडे टू मंडे न्युज नेटवर्क। जिल्हा परिषदच्या उर्दू माध्यमिक शाळेच्या आवारात चार नवजात अर्भक आढळून आल्याने खळबळ उडाली .ही घटना अकोला शहरातील असून आज सकाळी ही घटना समोर आली. घटनेची माहिती मिळताच रामदास पेठ पोलीस घटनास्थळी दाखल झाले, पंचनामा करत अर्भक ताब्यात घेऊन ते तपासणीसाठी अकोला शासकीय रुग्णालयात पाठवण्यात आले. या प्रकरणी पोलीस ठाण्यात गुन्हा दाखल झाला असून शाळेच्या टेरेसवर चार अर्भक आढळून आल्याने गावात खळबळ उडाली आहे.
आज सकाळी दहाच्या सुमारास अकोला शहरातील रतणलाल प्लांट परिसरातील जिल्हा परिषदच्या उर्दू माध्यमिक शाळेच्या आवारातील मैदानात लहान मुलं क्रिकेट खेळत असताना हे अर्भक आढळून आलं. ४ ते ५ महिन्याचे हे अर्भक आहे. हे पाहिल्यानंतर मुले घाबरून गेली व त्यांनी याबाबतची माहिती लगेच गावातील काही नागरिकांना दिली.
