दोन अल्पवयीन शाळकरी विद्यार्थिनींचा विनयभंग
मंडे टू मंडे वृत्तसंकलन।
अमळनेर,मंडे टू मंडे न्युज वृत्तसेवा। शाळकरी विद्यार्थिनी शाळेतून पायी येत असताना दोन विद्यार्थिनींचा हात पकडून विनयभंग केल्याचा धक्कादायक प्रकार समोर आलाय. या बाबत अमळनेर पोलीस स्टेशनला गुन्हा दाखल करण्यात आला असून विनयभंग करणाऱ्या असलम खान पठाण या संशयिताला अटक करण्यात आली आहे.
अमळनेर शहरातील १६ वर्षीय शाळकरी विद्यार्थिनी सोमवारी १८ एप्रिल रोजी दुपारी एक वाजेच्या सुमारास शाळा सुटल्यानंतर तिच्या इतर दोन मैत्रिणींसोबत घरी जायला पायी निघाल्या असता त्यांच्या पाठीमागे संशयित आरोपी असलम खान पठाण रा. देवपुर, धुळे हा रिक्षा घेऊन विद्यार्थिनींच्या पाठलाग करत तीनही विद्यार्थिनी पायी जात असताना संशयिताने रिक्षा थांबवली यातील एका विद्यार्थिनीचा हात पकडला व ‘माझ्या सोबत चल’ असे सांगून तिचा विनयभंग केला. विद्यार्थिनीने हात झटकून इतर मैत्रिणींसोबत पुढे पायी जायला निघाल्या. पुन्हा संशयित आरोपी असलम खान पठाण याने तीनही विद्यार्थिनींचा पुन्हा रिक्षाने पाठलाग करून त्यांचा रस्ता आडविला. यातील दुसऱ्या विद्यार्थिनीचा हात पकडून म्हणाला की, ‘ही नाही येत तर तू तरी चल, आपण दोघे फिरायला जावू’ असे सांगून तिचा देखील विनयभंग केला. घाबरलेल्या अवस्थेत तीनही विद्यार्थिनी घरी परत आल्यानंतर घडलेला प्रकार
घरच्यांना सांगितला असता त्यांनी पोलिसस्टेशनला तक्रार केल्याने त्यांच्या तक्रारीवरून संशयित आरोपी असलम खान पठाण याच्या विरोधात गुन्हा दाखल करण्यात आला असून संशयित आरोपी असलम खान पठाण याला अटक करण्यात आली आहे.
