भरधाव ट्रॅक्टरची घडक लागल्याने वयोवृद्धाचा जागीच मृत्यू , एक जखमी, रावेर तालुक्यातील घटना.
रावेर, मंडे टु मंडे न्युज नेटवर्क l भरधाव ट्रॅक्टरने दुचाकीला मागून कट मारल्याने झालेल्या अपघातात रावेर तालुक्यातील कर्जोद येथील ६० वर्षीय वयोवृद्धाचा जागीच मृत्यू झाला. हा अपघात रावेर तालुक्यातील जुन्या पातोंडी गावाजवळील रोडवर घडला.
चुडामण लहानू भालेराव व अजय अशोक शिरतुरे हे दोघे दुचाकी (एम.एच.१९ ईडी ७५९२) ने जात असताना पाठीमागून भरधाव वेगाने आलेले ट्रॅक्टर क्र. एम.एच.२९ आर.८९०२ ने कट मारला.त्यात चुडामण लहानू भालेराव. वय ६०, कर्जोद, ता.रावेर. हे डोक्याला जबर मार लागल्याने जागीच त्यांचा मृत्यू झाला. तर अजय अशोक शिरतुरे. वय ३०, रा.विवरा बु., ता.रावेर. यांच्या हाता-पायाला ईजा झाली.
या प्रकरणी अजय शिरतुरे यांचे फिर्यादी वरून ट्रॅक्टर चालक शेख अलीम शेख सलीम ( रा. मदिना कॉलनी, रावेर) यांच्याविरोधात रावेर पोलिसात गुन्हा दाखल करण्यात आला. पुढील तपास महिला उपनिरीक्षक प्रिया वसावे करीत आहेत.
