आणखी एक धक्कादाक घटना : दोन वर्षीय चिमुकली लैंगिक अत्याचाराची बळी
मुंबई, मंडे टू मंडे न्युज नेटवर्क l राज्यात लैंगिक अत्याचाराच्या घटनांमध्ये वाढ होताना दिसत आहे, महिला, अल्पवयीन मुलीच नव्हे तर दोन वर्षीय चिमुकलीवर लैंगिक अत्याचार करण्यात आल्याची घटना कल्याण जवळील टिटवाळा दहागाव परिसरात उघडकीस आली.
शुक्रवारी दुपारी चिमुकली अंगणात खेळत असताना परिसरातील एका नराधमाने मुलीला उचलून निर्जनस्थळी नेऊन तिच्यावर लैंगिक अत्याचार केला. अत्याचारानंतर त्याने चिमुकलीला सोडून दिले. मुलगी रडत घरी आल्यानंतर आई-वडिलांनी तिची विचारपूस केली, असता हा प्रकार उघड झाला.
पिडीत मुलीच्या कुटुंबीयांनी टिटवाळा पोलीस स्टेशनला या बाबत तक्रार दाखल केली. गुन्हा दाखल होताच घटनेचे गांभीर्य लक्षात घेऊन पोलिसांनी तत्काळ कारवाई करत नराधमाला अटक केली आहे. या घटनेमुळे संपूर्ण परिसरात संतापाची लाट उसळली आहे.
