जळगाव जिल्ह्यातील विविध पोलिस स्टेशन मध्ये २२ पोलिस अधिकाऱ्यांच्या नियुक्त्या
जळगाव, मंडे टू मंडे न्युज नेटवर्क l जळगाव जिल्ह्यात विविध पोलीस स्थानकांमध्ये २२ अधिकार्‍यांच्या नियुक्त्या करण्यात आल्या असून यात निरिक्षक आणि सहायक पोलीस निरिक्षकांचा समावेश आहे. याबाबतचे आदेश जिल्हा पोलीस अधिक्षक डॉ. एम. महेश्‍वर रेड्डी यांनी जारी केले.
जळगाव जिल्ह्यातील पोलीस निरिक्षकांच्या बदल्या करण्यात आल्या असून त्यांच्या जागी नवीन निरिक्षकांच्या नियुक्त्या करण्यात आल्या आहेत. यात प्रामुख्याने सध्या एलसीबीचा कार्यभार असलेले पोलीस निरिक्षक बबनराव आव्हाड यांच्याकडे आता स्थानिक गुन्हा अन्वेषण शाखेची पुर्ण वेळ जबाबदारी, नंदुरबार येथून दीपक किसनराव बुधवंत हे पोलीस मुख्यालयातील मानव संसाधन शाखा, मुंबई लोहमार्ग चे दत्तात्रय युवराज निकम हे जळगाव एमआयडीसी पोलीस स्टेशन, जिविशा सुरक्षा येथे कार्यरत असलेले महेश रघुनाथ गायकवाड हे भुसावळ तालुका पोलीस स्टेशन, तर धुळे येथून राहूल तुकाराम वाघ भुसावळ शहर, मुरलीधर माधव कासार हे नाशिक येथून जामनेर पोलीस स्टेशन, बोदवड येथील राजेंद्र पंढरीनाथ गुंजाळ हे जळगाव रामानंदनगर पोलीस स्टेशन. तर रामानंद नगर पोलिस स्टेशनचे राजेंद्र कुटे यांना नियंत्रण कक्षाचे प्रभारी पद.
नागपूर शहर येथून अरविंद विनायक भोळे हे बोदवड पोलीस स्टेशन, धरणगावचे उध्दव डमाळे यांना आर्थिक गुन्हे शाखेत सायबर शाखेचे अतिरिक्त जबाबदारी. नागपूर येथून पवन प्रतापराव देसले यांचेकडे धरणगाव पोलीस निरिक्षकपदाचा कार्यभार. जळगाव नियंत्रण कक्षातील राहूल गायकवाड यांच्याकडे जळगाव शहर वाहतून शाखेचा प्रभार देण्यात आला आहे.
यासोबत सहायक पोलीस निरिक्षकांच्या देखील बदल्या करण्यात आल्या आहेत. यात मुंबई शहर येथील सहायक पोलीस निरिक्षक विशाल पुंडलीक पाटील यांनी सावदा शहर पोलीस स्टेशनच्या कार्यभार स्वीकारला आहे. विशेष सुरक्षा विभागाचे उमेश महाले यांचे कडे भुसावळ शहर वाहतूक शाखेची जबाबदारी दिली आहे .जालना येथील प्रदीप बापू एकशिंगे यांचेकडे चाळीसगाव वाहतूक शाखेची धुरा देण्यात आली आहे. चाळीसगाव ग्रामीणचे प्रवीण अजयसिंग दातरे यांचेकडे मेहुणबारे. नशिराबादचे रामेश्‍वर दगडू मोताळे यांचे कडे फैजपूर पोलिस स्टेशन देण्यात आले आहे. तर फैजपूरचे निलेश नानाजी वाघ यांची नियंत्रण कक्षात बदली.
जळगाव एमआयडीसीचे आसाराम चिंतामण मनोरे यांचेकडे नशिराबाद पोलिस स्टेशन. चोपडा शहर पोलिस स्टेशन चे प्रशांत मधुकर कंडारे यांना पाळधी आऊटपोस्ट. तसेच मारवड येथील शीतलकुमार नाईक यांची ए.एच. टि. यू. जळगाव येथे बदली झाली आहे. तर धरणगाव येथील सपोनि जिभाऊ तुकाराम पाटील यांना मारवड पोलीस स्थानकाचा कार्यभार मिळाला आहे. बदली व नियुक्ती झालेल्या पोलीस निरिक्षक व सहायक पोलीस निरिक्षकांनी तातडीने आपल्या पदाचा कार्यभार सांभाळण्याचे निर्देश जिल्हा पोलीस अधिक्षक एम. महेश्‍वर रेड्डी यांनी दिले आहेत.
