नवरोबाला बेड्या; लग्नाच्या वाढदिवशी तलवारीने कापला केक, वाढदिवस साजरा करणे पडले महागात
Monday To Monday NewsNetwork।
औरंगाबाद (वृत्तसंस्था)। बायकोसमोर तलवारीने केक कापून फुशारकी मारणाऱ्या नवऱ्याला केक कापना चांगलाच अंगलट आला. औरंगाबाद मधील तरुणाने बायको समोर फुशारकी मारण्याच्या उद्देशाने लग्नाच्या वाढदिवशी चक्क तलवारीने केक कापण्याचा ‘पराक्रम’ केला. मात्र याची खबर पोलिसांना लागताच फुशारकी मारणाऱ्या मिजासखोर नवरोबाला अखेर बेड्या पडल्या .
दीपक सरकटे याच्या लग्नाचा नुकताच वाढदिवस साजरा करण्यात आला, बायकोसमोर फुशारकी मारण्याची हुक्की त्याला आली.बायकोला इम्प्रेस करण्या साठी तसेच समाजात दहशत निर्माण करण्यासाठी त्याने चक्क तलवारीने केक कापला. कुटुंबीयांच्या समोरच बायकोसोबत त्याने तलवारीने केक कापला व याचा व्हिडीओही शूट करण्यात आला व तो व्हिडीओ व्हायरल करण्यात आला.दीपक हा सराईत गुन्हेगार होता,तलवारीने केक कापून दहशत निर्माण करणे दीपकला चांगलेच महागात पडले. काही तासांतच केक कापणाऱ्या पतीला अटक करण्यात आली.अवैध शस्त्र बाळगल्या प्रकरणी औरंगाबादमधील पुंडलिकनगर पोलीस ठाण्यात गुन्हा दाखल करण्यात आलं आहे,
डीजेच्या दणदणाटात तलवारीने केक कटिंग
दुसरीकडे, रोहन बेल्हेकर नावाच्या तरुणाने गेल्या वर्षी धुमधडाक्यात डीजेच्या दणदणाटात वाढदिवस साजरा केला होता. वाढदिवस साजरा होत असताना रोहन बेल्हेकर याने तलवारीने केक कापला. केक कापलेले फोटो आणि काही व्हिडीओ सोशल मीडियावर व्हायरल झाले. वाढदिवस करताना तलवारीसारख्या घातक हत्याराचा वापर केला आणि गावात दहशत माजविण्याचा प्रयत्न केला, म्हणून पोलिसांनी बर्थडे बॉय रोहन बेल्हेकरवर गुन्हा दाखल केला होता. पुण्यात बर्थडे बॉयला बेड्या
सार्वजनिक ठिकाणी तलवारीने केक कापणाऱ्या तरुणाला तीन महिन्यांपूर्वी पुण्यातील गणेश पेठ परिसरात पोलिसांनी अटक केली. समीर अनंत ढमाले (27) याने भर रस्त्यावर सार्वजनिक ठिकाणी पौराणिक तलवारीने केक कापून आपला वाढदिवस साजरा केला होता. त्यावर कारवाई करत पोलिसांनी त्याला अटक केली होती.
