अवैध गॅस फिलींग प्रकरणातील मुख्य सूत्रधाराला अटक
मंडे टू मंडे वृत्तसंकलन।
भुसावळ ,मंडे टू मंडे वृत्तसेवा। भुसावल शहरातील अवैध गॅस फिलींग प्रकरणातील मुख्य सूत्रधार वसीम अब्दूल मशीद पटेल याला बाजारपेठ पोलिसांकडून अटक करण्यात आली.
या बाबत अधीक माहिती अशी की, दिनांक ११ रोजी शहरातील पटेल कॉलनीत गुरुवारी विशेष पोलिस महानिरीक्षका बी.जी. शेखर यांच्या पथकाने घरगुती गॅस वाहनात भरत असतानाची कारवाई केली होती. त्यात ९ घरगुती सिलिंडरसह दोन रिक्षा व अन्य मुद्देमाल मिळून १ लाख ७ हजारांचा मुद्देमाल जप्त करण्यात आला. गॅस वाहनात भरणारा सलमान अब्दुल माजिद पटेल ,वय ३०, पटेल कॉलनी, खडका रोड, भुसावळ, रिक्षा चालक आरिफ खान इसाफ खान ,वय ३५, जाम मोहल्ला, भुसावळ,व जकाउल्ला खान असदउल्ला खान,वय ४३, खडका रोड, रामदासवाडी, भुसावळ, यांना अटक केली होती.परन्तु मुख्य संशयित वसीम पटेल पसार होता. तो वरणगाव रोड भागात आल्याची माहिती मिळताच बाजारपेठ पोलिसांनी अटक केली. यामुळे आता अवैध गॅस फिलींग करणार्यांचे पूर्ण रॅकेट ला पोलिसांनी गजाआड केले आहे.
