भुसावळमध्ये व्यापार्यावर धारदार शस्त्राने प्राणघातक हल्ला
मंडे टू मंडे वृत्तसंकलन।
भुसावळ,मंडे टू मंडे वृत्तसेवा– भुसावळमध्ये रात्री व्यापार्यावर धारदार शस्त्राने वार करून प्राणघातक हल्ला केल्याने खळबळ उडाली आहे.
सातत्याने गुन्हेगारी घटनांमुळे चर्चेत राहणार्या भुसावळ शहरातील वांजोळा रोडवरील रेणुका माता मंदिराच्या पाठीमागे संध्याकाळी ९ वाजेच्या सुमारास मोटरसायकलने गोडावून वरून येत असतांना काही अज्ञात इसमांची मोटरसायकल वर येऊन बाबा फोमचे संचालक नवीन किशोर कुकरेजा, वय ३० राहणार सिंधी कॉलनी,यांच्या मानेवर धारदार शस्त्राने वार केल्याची घटना घडली असून जखमीवर येथील खासगी रूग्णालयामध्ये उपचार सुरू आहे. उपविभागीय पोलीस अधिकारी सोमनाथ वाघचौरे, बाजारपेठ पोलीस स्टेशनचे निरीक्षक दिलीप भागवत, सपोनि हरीष भोये, यांनी घटनास्थळी भेट दिली असून आरोपीस लवकरच पकडण्यात येईल असे सांगितले.
