भुसावल मध्ये घराला लागलेल्या आगीत वडिलांचा होरपडून मृत्यू तर मुलगा गंभीर
मंडे टू मंडे वृत्तसंकलन।
भुसावळ,मंडे टू मंडे न्युज वृत्तसेवा। भुसावल येथील महेश कॉलनी परिसरातील निकुंज अपार्टमध्ये मध्ये दुसर्‍या मजल्यावर फ्लॅटला पहाटे साडेचारच्या सुमारास लागलेल्या भयानक आगीत वडलांचा होरपडून मृत्यू झाला असून मुलगा गंभीर जखमी आहे.
या बाबत मिळालेली अधिक माहिती अशी की, भुसावल येथील महेश कॉलनीतील निकुंज अपार्टमध्ये मध्ये दुसर्‍या मजल्यावर केशवालाल वाधवाणी हे आपल्या कुटुंबासह राहत असून आज मोठ्या पहाटे चार-साडेचार वाजेच्या सुमारास त्यांच्या फ्लॅटमधून आगीच्या ज्वाळा व धूर निघत होता आणि त्यातून मोठं मोठया आरोळ्या ऐकू आल्या. त्या मुळे परिसरसतील नागरिकांसह इमारतीमधील रहिवाशांनी घटनास्थळी धाव घेतली असता त्यांना केशवलाल वाधवाणी यांच्या घराला मोठी आग लागल्याचे दिसून आले.
या बाबत नागरिकांनी लागलीच अग्नीशामन दलाला सूचना दिली तसेच बाजारपेठ पोलिसांना सुद्दा माहिती दिली.असता भुसावल फायरब्रिगेडचे पथक लागलीच दाखल होत आग आटोक्यात आणली मात्र या आगीत केशवलाल वाधवाणी,वय ५५ यांचा जागीच होरपडून मृत्यू झाला आणि त्यांचा मुलगा लखन वाधवाणी हा गंभीररित्या जखमी झाला असून त्याला उपचारासाठी डॉ. उल्हास पाटील मेडिकल कॉलेजच्या रूग्णालयात दाखल करण्यात आले आहे.ही आग नेमकी कशामुळे किंवा कशी लागली हे अद्याप समजू शकले नाही.
