ब्रेकिंग ; भुसावल मध्ये गोळीबार, दोन तरुण जखमी
भुसावल, मंडे टू मंडे न्युज वृत्तसेवा। गेल्या अनेक दिवसांपासून शांत असलेले भुसावळ शहरात काल रात्री दहा वाजेच्या सुमारास झालेल्या गोळीबारात दोन तरुण जखमी झाल्याने खळबळ उडाली.
भुसावल जवळील साकरी फाटा ते फेकरी उड्डाण पुलादरम्यान शुक्रवारी रात्री साडेदहा वाजेच्या सुमारास अक्षय सोनवणे, मंगेश काळे आणि त्यांचा एक मित्र असे तिघे जेवणासाठी हॉटेलवर जात होते. यावेळी त्यांची तीन जणांसोबत जुन्या वादातून बाचाबाची झाली. यात काळे आणि सोनवणे या दोघांवर संशयितांनी गोळीबार केला. दोघांना प्रत्येकी एक गोळी लागली आहे. सध्या गुन्हेगारीवर नियंत्रण असलेल्या भुसावल मध्ये पुन्हा गोळीबार झाल्याने पोलिसांपुढे आव्हान आहे.गोळीबाराची माहिती मिळताच पोलिस घटनास्थळी दाखल होत डीवायएसपी सोमनाथ वाघचौरे व तालुका पोलीस स्थानकाचे पोलीस निरिक्षक विलास शेंडे भेट दिली व पुढील कारवाई सुरू आहे.
