ब्रेकिंग : भुसावल पुन्हा खुनांन हादरल!
भुसावळ,मंडे टू मंडे न्युज वृत्तसेवा। दसर्‍याचा उत्साह संपत नाही तोच मध्यरात्रीनंतर एक वाजेच्या सुमारास गुन्हेगारी पश्वभूमी असलेल्या भुसावल शहरात पुन्हा एकाचा खून झाल्याने भुसावल परिसर हादरला आहे.
काल विजयादशमी म्हणजेच दसरा हा सण उत्साहात साजरा होत असताना तसेच नवरात्रीचा शेवटचा दिवस, रात्री एक वाजेच्या सुमारास भुसावल शहरातील गरूड प्लॉट परिसरात दोस्ती मंडळाच्या जवळ दिलीप जोनवाल, वय ४९, रा. महात्मा फुले नगर, भुसावळ . यांच्यावर अज्ञात मारेकर्‍यांनी प्राणघातक हल्ला केला. यात त्यांचा मृत्यू झाल्याने भुसावल परिसरात मोठी खळबळ उडाली.
वाढती गुन्हेगारी हा भुसावळ शहर व परिसरासाठी चिंतेचा विषय झालेला आहे. प्रशासनाने अनेक गुन्हेगारांना हद्दपार केले असले तरी देखील गुन्हेगारी कमी होण्याचं नाव घेत नाही. गेल्या दीड ते दोन महिन्यात भुसावळ व परिसरात चार खून झाले यात निखील राजपूत याच्यासह कंडारी येथील दोघे, खडका रोड परिसरात एकाचा आणि त्या पाठोपाठ आता शहरातील मध्यवर्ती परिसरात दिलीप जोनवाल, वय ४९, रा. महात्मा फुले नगर, भुसावळ, यांचा खून झाल्यामुळे परिसरात पुन्हा एकदा मोठी खळबळ उडाली असून खुनाची मालिका सुरूच आहे. दिलीप जोनवाल याचा खून पूर्ववैमनस्यातून झाला असल्याची माहिती समोर येत आहे, या बाबत सकाळ पर्यंत भुसावल शहर पोलीस स्टेशनला गुन्हा नोंदविण्याचे काम सुरू होते.
